ഡൽഹി കലാപം: ആലുവയില് ട്രെയിന് തടഞ്ഞ 37 ഫ്രറ്റേണിറ്റി പ്രവര്ത്തകര് അറസ്റ്റില്, പരിക്കേറ്റ 7 പേർ ആശുപത്രിയില്
കൊച്ചി: ഡല്ഹി കലാപത്തില് പ്രതിഷേധിച്ച് ആലുവയില് ട്രെയിന് തടഞ്ഞ 37 ഫ്രറ്റേണിറ്റി പ്രവര്ത്തകര് അറസ്റ്റില്. പ്രവര്ത്തകര്ക്ക് നേരെ പൊലീസ് ലാത്തി വീശി. പരിക്കേറ്റ 7 പേരെ ആശുപത്രിയില് പ്രവേശിപ്പിച്ചു. ഡല്ഹി കലാപം ആസൂത്രിതമാണെന്ന് ആരോപിച്ചാണ് ഫ്രറ്റേണിറ്റി പ്രവര്ത്തകര് ട്രെയിന് തടഞ്ഞത്. ആലുവയിലും തിരൂരിലുമാണ് ട്രെയിന് തടയല്.
9 മണിയോടുകൂടിയാണ് ആലുവയില് പ്രവര്ത്തകര് ട്രെയിന് തടഞ്ഞത്. തുടര്ന്ന് പൊലീസ് ബലപ്രയോഗത്തിലൂടെ പ്രവര്ത്തകരെ അറസ്റ്റ് ചെയ്തു നീക്കുകയുമായിരുന്നു.. ആലുവയിലും തിരൂരിലുമാണ് ട്രെയിന് തടഞ്ഞത്. തിരൂരില് നേത്രാവതി എക്സ്പ്രസ് തടഞ്ഞ ഫ്രറ്റേണിറ്റി മലപ്പുറം ജില്ലാ ജനറല് സെക്രട്ടറി സനല്കുമാര്, ജില്ലാ വൈസ് പ്രസിഡന്റ് സഫീര് , നേതാക്കളായ ഷഹീദ പൊന്നാനി, സല്മാന് തുടങ്ങിയ 12 പേരെ പോലീസ് അറസ്റ്റ് ചെയ്തു.
രാത്രി ഒമ്പതരയോടെയാണ് ആലുവയില് കൊച്ചുവേളി ഭവ്നഗര് എക്സ്പ്രസ് തടഞ്ഞത്. പ്രവര്ത്തകരെ പോലീസ് അറസ്റ്റ് ചെയ്ത് നീക്കി. അരമണിക്കൂര് വൈകിയാണ് ട്രെയിന് സര്വീസ് നടത്തുന്നത്.
