'നാലുപേരേ കൂട്ടി ഇന്ത്യ-ചൈന അതിര്ത്തിയിലേക്ക് പോകൂ, അവരറിയട്ടെ ഇന്ത്യയെ രക്ഷിക്കാന് നിങ്ങളുണ്ടെന്ന്': കങ്കണയോട് അനുരാഗ് കശ്യപ്
മുംബൈ: നടി കങ്കണ റണൗത്തും സംവിധായകന് അനുരാഗ് കശ്യപും തമ്മിലുള്ള വാക്പോര് മുറുകുന്നു. ഇന്ന് കങ്കണയുടെ ചില വിവാദ പ്രസ്താവനകള്ക്ക് മറുപടിയുമായെത്തിയ അനുരാഗിന്റെ ട്വീറ്റ് ആരാധകര് ഏറ്റെടുത്തിരിക്കുകയാണ്.
बस एक तू ही है बहन - इकलौती मणिकर्णिका । तू ना चार पाँच को ले के चढ़ जा चीन पे।देखो कितना अंदर तक घुस आए हैं । दिखा दे उनको भी कि जब तक तू है इस देश का कोई बाल भी बाँका नहीं कर सकता। तेरे घर से एक दिन का सफ़र है बस LAC का । जा शेरनी। जय हिंद । https://t.co/PZA6EFSKQj
— Anurag Kashyap (@anuragkashyap72) September 17, 2020
ഇതാദ്യമായല്ല കങ്കണയും അനുരാഗും വാക്പോരിലേര്പ്പെടുന്നത്. സുശാന്ത് സിംഗ് രജ്പുത്തിന്റെ മരണത്തിന് ശേഷം ബോളിവുഡിനെതിരെ കങ്കണ നടത്തിയ പരാമര്ശങ്ങളില് വിയോജിപ്പുമായി അനുരാഗ് രംഗത്തെത്തിയിരുന്നു.
നേരത്തേ നടി ഊര്മിള മതോണ്ട്ക്കറിനെ കടന്നാക്രമിച്ച് കങ്കണ റണൗത്ത് രംഗത്തെത്തിയിരുന്നു. മുംബൈയ്ക്കെതിരെ കങ്കണ നടത്തിയ പരാമര്ശത്തില് ഊര്മിള കങ്കണയെ വിമര്ശിച്ചതിനു പിന്നാലെയാണ് നടിയുടെ പ്രതികരണം. ഊര്മിള തന്റെ പ്രതിബന്ധങ്ങളെ പരിഹസിച്ചെന്നു പറഞ്ഞ കങ്കണ ഊര്മിള ഒരു സോഫ്റ്റ് പോണ് നടിയാണെന്നും ആരോപിച്ചു.
मैं एक क्षत्राणी हूं। सर कटा सकती हूं, लेकिन सर झुका सकती नहीं! राष्ट्र के सम्मान के लिए हमेशा आवाज़ बुलंद करती रहूंगी। मान, सम्मान, स्वाभिमान के साथ जी हूं और गर्व से राष्ट्रवादी बनकर जीती रहूंगी! सिद्धांत के साथ नहीं कभी समझौता की हूं नहीं कभी करूंगी! जय हिंद ।
— Kangana Ranaut (@KanganaTeam) September 17, 2020
‘ഊര്മിള മതോണ്ട്ക്കര് നല്കിയ നിന്ദ്യമായ ഒരഭിമുഖം ഞാന് കണ്ടു. എന്റെ പോരാട്ടങ്ങളെ പരിഹസിച്ചു. ബി.ജെ.പി ടിക്കറ്റിനായി ഞാന് ശ്രമിക്കുകയാണെന്ന് ആരോപിച്ചു. ഊര്മിള ഒരു സോഫ്റ്റ് പോണ് സ്റ്റാറാണ്. അവര് അവരുടെ അഭിനയം കൊണ്ടല്ല അറിയപ്പെടുന്നത് എന്നത് തീര്ച്ചയാണ്. സോഫ്റ്റ് പോണ് ചെയ്യുന്നതു മൂലമാണ് അവര് അറിയപ്പെടുന്നത്,’ കങ്കണ പറഞ്ഞു. കേരള ടൈംസിനോടാണ് കങ്കണയുടെ പ്രതികരണം.
കങ്കണയുടെ പരാമര്ശത്തില് പ്രതിഷേധിച്ച് നടി സ്വര ഭാസ്കര്, സംവിധായകന് അനുഭവ് സിന്ഹ എന്നിവര് രംഗത്തു വന്നു.
ഊര്മിളയുടെ അത്യുജ്ജല പ്രകടനവും ഡാന്സും ഞാന് ഓര്മിക്കുന്നു എന്നാണ് സ്വര ഭാസ്കര് ട്വീറ്റ് ചെയ്തത്.
എക്കാലത്തെയും മികച്ച അഭിനേത്രിയാണ് ഊര്മിള എന്നാണ് അനുഭവ് സിന്ഹയുടെ പ്രതികരണം. നേരത്തെ കങ്കണ മുംബൈയ്ക്കെതിരെയും ബോളിവുഡിനെതിരെയും നടത്തിയ ആരോപണങ്ങള്ക്കെതിരെ ഊര്മിള മതോണ്ട്ക്കര് രംഗത്തു വന്നിരുന്നു.
കങ്കണ അനാവശ്യമായി ഇരവാദം നടത്തുകയാണെന്ന് ആരോപിച്ച ഊര്മിള കങ്കണയുടെ സംസ്ഥാനമായ ഹിമാചല് പ്രദേശിലാണ് മയക്കു മരുന്ന് മാഫിയയുടെ ഉറവിടം എന്നും ആദ്യം അവിടെ അന്വേഷണം നടത്തണമെന്നുമാണ് പ്രതികരിച്ചത്.
