വാട്സ് ആപ്പ് സ്റ്റാറ്റസിലൂടെ പണമുണ്ടാക്കാം!!!; തട്ടിപ്പിനെതിരെ മുന്നറിയിപ്പ് നല്കി കേരള പോലീസ്
കോഴിക്കോട്: ഓണ്ലൈന് തട്ടിപ്പിന്റെ പുതു വഴിയായ സ്റ്റാറ്റസ് തട്ടിപ്പുമായി രംഗത്ത് വന്നവരെ കുറിച്ച് ജാഗരൂകരായിക്കണമെന്ന് മുന്നറിയിപ്പുമായി കേരള പോലീസ്. ഇത്തരം ലിങ്കുകളിലേക്ക് കയറിയാല് രജിസ്റ്റര് ചെയ്യുന്നവരുടെ വിവരങ്ങള് ആവശ്യപ്പെടുകയും തുടര്ന്ന് ബാങ്കിങ് വിവരങ്ങള് ശേഖരിച്ചു ബാങ്കിംഗ് തട്ടിപ്പുകള്ക്കായി ഉപയോഗിക്കാനുള്ള സാധ്യതയുണ്ടെന്നും കേരള പോലീസ് ഫേസ്ബുക്ക് പോസ്റ്റിലൂടെ അറിയിച്ചു.
കേരള പോലീസിന്റെ ഫേസ്ബുക്ക് പോസ്റ്റ് ഇങ്ങനെ:
സ്റ്റാറ്റസിലൂടെ പണമുണ്ടാക്കാം എന്ന രീതിയില് ഓണ്ലൈന് തട്ടിപ്പിന് ശ്രമം സ്റ്റാറ്റാസിലൂടെ ദിവസവും 500 രൂപ വരെ സമ്പാദിക്കാന് അവസരം എന്ന രീതിയില് വാട്സ് ആപ്പിലൂടെ ധാരാളം സന്ദേശങ്ങള് ഷെയര് ചെയ്യുന്നത് ശ്രദ്ധയില്പ്പെട്ടിട്ടുണ്ട്. സ്റ്റാറ്റസിനൊപ്പം നല്കിയിരിക്കുന്ന ലിങ്കില് ക്ലിക്ക് ചെയ്താല് ഒറ്റ പേജുള്ള ഒരു വെബ്സൈറ്റിലേക്കാണ് പോവുക. അതില് നിങ്ങള് വാട്സ്ആപ്പില് ഷെയര് ചെയ്യുന്ന സ്റ്റാറ്റസുകള് 30 ല് കൂടുതല് ആളുകള് കാണാറുണ്ടോ? എങ്കില് നിങ്ങള്ക്കും ഉണ്ടാക്കാം ദിവസേന 500 രൂപ വരെ നേടാം എന്നാണ് നല്കിയിരിക്കുന്നത്. പ്രമുഖ ബ്രാന്ഡുകളുടെ പരസ്യങ്ങള് വാട്സ്ആപ്പില് സ്റ്റാറ്റസായി പോസ്റ്റ് ചെയ്താല് , ഒരു സ്റ്റാറ്റസിന് 10 മുതല് 30 രൂപവരെ ലഭിക്കുമെന്നും വാട്സ്ആപ്പിലൂടെ മാത്രം 500 രൂപ നേടാമെന്നുമാണ് വെബ്സൈറ്റില് അറിയിച്ചിരിക്കുന്നത്. ഇതില് രജിസ്റ്റര് ചെയ്യുന്നവരുടെ വിവരങ്ങള് ആവശ്യപ്പെടുകയും തുടര്ന്ന് ബാങ്കിങ് വിവരങ്ങള് ശേഖരിച്ചു ബാങ്കിംഗ് തട്ടിപ്പുകള്ക്കായി ഉപയോഗിക്കാനുമാണ് സാധ്യത. ഇത്തരം തട്ടിപ്പുകള്ക്കെതിരെ ജാഗ്രത പാലിക്കുക.
തട്ടിപ്പിൻ്റെ പുതുവഴികൾ: സ്റ്റാറ്റസിലൂടെ പണമുണ്ടാക്കാം എന്ന രീതിയിൽ ഓൺലൈൻ തട്ടിപ്പിന് ശ്രമം സ്റ്റാറ്റാസിലൂടെ ദിവസവും...
Posted by Kerala Police on Wednesday, 7 October 2020
