നിര്ത്തിയിട്ട ലോറിക്ക് പിന്നിലിടിച്ച് ശബരിമല തീര്ത്ഥാടകര് സഞ്ചരിച്ച വാഹനം അപകടത്തില്പ്പെട്ടു; ഒരാള് മരിച്ചു
പെരുമ്പാവൂര്: ശബരിമല തീര്ത്ഥാടകര് സഞ്ചരിച്ച വാഹനം അപകടത്തില്പ്പെട്ടു. ഒരാള് മരിച്ചു. അഞ്ച് പേര്ക്ക് ഗുരുതര പരിക്കേറ്റു. 12 പേരെ നിസാര പരിക്കുകളോടെ പെരുമ്പാവൂരിലെ സ്വകാര്യ ആശുപത്രികളില് പ്രവേശിപ്പിച്ചു. തമിഴ്നാട് കോയമ്പത്തൂര് സ്വദേശി ധര്മലിംഗം ആണ് മരിച്ചത്. പെരുമ്പാവൂരില് വെച്ച് പുലര്ച്ചെ 3.30ന് ആണ് അപകടം. മിനി ബസിലും കാറിലുമായാണ് അയ്യപ്പഭക്തര് സഞ്ചരിച്ചത്. ഈ വാഹനങ്ങളാണ് അപകടത്തില്പ്പെട്ടത്. ടയര് പഞ്ചറായതിനെ തുടര്ന്ന് വഴിയരികില്നിര്ത്തിയിട്ടിരുന്ന ലോറിയുടെ പിന്നില് ഈ വാഹനങ്ങള് ചെന്ന് ഇടിയ്ക്കുകയായിരുന്നു. ആദ്യം മിനിബസ് ലോറിയുടെ പിന്നിലിടിച്ചു. പിന്നാലെ കാറും വന്നിടിച്ചു. ബസിലും കാറിലുമായി സഞ്ചരിച്ച 17 തീര്ത്ഥാടകര്ക്ക് പരിക്കേറ്റു.
