പൗരത്വ ഭേദഗതി നിയമത്തിനെതിരെയുള്ള പ്രതിഷേധത്തില് പൊതു മുതല് നശിപ്പിച്ചാല് നടപടിയെന്ന് ഡി.ജി.പി
തിരുവനന്തപുരം: പൗരത്വ ഭേദഗതി നിയമത്തിനെതിരെയുള്ള പ്രതിഷേധത്തില് പൊതു മുതല് നശിപ്പിച്ചാല് നടപടിയെടുക്കാന് നിര്ദ്ദേശം നല്കി ഡി.ജി.പി ലോക്നാഥ് ബെഹറ. രാഷ്ട്രീയ പാര്ട്ടി നോക്കാതെ കേസെടുക്കാനാണ് ഡി.ജി.പി ജില്ലാ പൊലീസ് മേധാവികള്ക്ക് നിര്ദ്ദേശം നല്കിയിരിക്കുന്നത്.
ഒരു രാഷ്ട്രീയ പാര്ട്ടിയോടോ സംഘടനയോടോ മൃദുസമീപനം വേണ്ടെന്നും മുഖം നോക്കാതെ നടപടിയെടുക്കണമെന്നുമാണ് നിര്ദ്ദേശം. ജില്ലാ പൊലീസ് മേധാവികള്ക്ക് വയര്ലെസ് വഴി ഈ നിര്ദ്ദേശം കൈമാറിയിട്ടുണ്ട്.
പൗരത്വ നിയമത്തിനെതിരെ ചില സംഘടനകള് നടത്തിയ പ്രതിഷേധങ്ങള് ഗതാഗതം തടസ്സപ്പെടുത്തിയെന്നാരോപിച്ച് പൊലീസ് കേസെടുത്തിരുന്നു. അതേ സമയം രാഷ്ട്രീയ പാര്ട്ടികള് നടത്തിയ പ്രക്ഷോഭപരിപാടികള്ക്കെതിരെ കേസെടുത്തുമില്ല. ഇതിനെതിരെ പ്രതിഷേധം ഉയര്ന്ന സാഹചര്യത്തിലാണ് ഡി.ജി.പി യുടെ നീക്കം.
ഗതാഗത തടസ്സം, ശബ്ദമലിനീകരണം, സംഘം ചേര്ന്ന് തടസ്സമുണ്ടാക്കല്, പൊതുമുതല് നശിപ്പിക്കല് തുടങ്ങിയ വകുപ്പുകള് ചേര്ത്താണ് പൊലീസ് കേസെടുക്കുന്നത്.
