കൊറോണ; പാരസെറ്റമോൾ ഉൾപ്പെടെയുള്ള ഫാർമ ചേരുവകൾക്ക് സർക്കാർ കയറ്റുമതി നിയന്ത്രണം ഏർപ്പെടുത്തി
ചൈനയിൽ കൊറോണ വൈറസ് പൊട്ടിപ്പുറപ്പെടുന്നതിനിടയിൽ പാരസെറ്റമോൾ, വിറ്റാമിൻ ബി 1, ബി 12 എന്നിവയുൾപ്പെടെ 26 ഫാർമ ചേരുവകൾക്കും മരുന്നുകൾക്കും സർക്കാർ ചൊവ്വാഴ്ച കയറ്റുമതി നിയന്ത്രണം ഏർപ്പെടുത്തിയതായി സർക്കാർ വിജ്ഞാപനത്തിൽ പറയുന്നു.
ഇതോടെ, ഈ സജീവ ഫാർമസ്യൂട്ടിക്കൽ ചേരുവകളുടെയും (എപിഐ) ഫോർമുലേഷനുകളുടെയും കയറ്റുമതിക്ക് വാണിജ്യ മന്ത്രാലയത്തിന്റെ ഒരു വിഭാഗമായ ഡയറക്ടറേറ്റ് ജനറൽ ഓഫ് ഫോറിൻ ട്രേഡിൽ (ഡിജിഎഫ്ടി) ലൈസൻസ് ആവശ്യമാണ്. നേരത്തെ, ഈ ഉത്ന്നപങ്ങളുടെ കയറ്റുമതിയിൽ നിയന്ത്രണങ്ങളൊന്നും ഉണ്ടായിരുന്നില്ല.
എപിഐകൾ ഫാർമസ്യൂട്ടിക്കൽസിന്റെ അസംസ്കൃത വസ്തുവാണ്. മാരകമായ കൊറോണ വൈറസ് കൂടുതൽ വ്യാപിക്കുന്നതിനെ കുറിച്ചുള്ള ആശങ്കകൾക്കിടെയാണ് ഈ പ്രഖ്യാപനം. ചൈനയിൽ നിന്നുള്ള എപിഐകളുടെ ഇറക്കുമതിയെ ആണ് ഇന്ത്യ കൂടുതൽ ആശ്രയിക്കുന്നതെങ്കിലും പരിമിതമായ അളവിൽ ഫാർമ ചേരുവകൾ കയറ്റുമതി ചെയ്യുന്നുണ്ട്.
