വി​ജ​ന​മാ​യ സ്ഥ​ല​ത്ത് സ്‌കൂട്ടര്‍ തടഞ്ഞുനിര്‍ത്തി യുവതിയെ പീഡിപ്പിക്കാന്‍ ശ്രമം; ഒളിവില്‍കഴിഞ്ഞ പ്രതി പിടിയില്‍

തൊ​ടു​പു​ഴ: ജോ​ലി​ക​ഴി​ഞ്ഞ് വീട്ടിലേയ്ക്ക് പോകുന്നതിടയില്‍ വി​ജ​ന​മാ​യ സ്ഥ​ല​ത്ത് ത​ട​ഞ്ഞു​നി​ര്‍ത്തി പീ​ഡി​പ്പി​ക്കാ​ന്‍ ശ്ര​മി​ച്ച കേ​സി​ല്‍ ഒ​ളി​വി​ലാ​യ പ്ര​തി പി​ടി​യി​ല്‍. ഉ​ടു​മ്ബ​ന്നൂ​ര്‍ ക​ള​പ്പു​ര​യ്ക്ക​ല്‍ മാ​ഹി​ന്‍ റ​ഷീദാ​ണ്​ (23) അറസ്റ്റിലായത്.

ക​ഴി​ഞ്ഞ ര​ണ്ടി​നാ​യി​രു​ന്നു സം​ഭ​വം. തൊ​ടു​പു​ഴ​യി​ല്‍ ജോ​ലി ചെ​യ്യു​ന്ന യു​വ​തി രാ​ത്രി എ​ട്ടോ​ടെ വീ​ട്ടി​ലേ​ക്കു​പോ​കു​ന്ന​ത് ക​ണ്ട പ്ര​തി പി​ന്നാ​ലെ​യെ​ത്തുകയും ഉപദ്രവിക്കുകയുമായിരുന്നു. നി​ല​വി​ളി​ച്ച​പ്പോ​ള്‍ വാ​യ്​ പൊ​ത്തി​പ്പി​ടി​ച്ച്‌ ശാ​രീ​രി​ക​മാ​യി ആക്രമിച്ചു. മ​യ​ക്കു​മ​രു​ന്ന് ല​ഹ​രി​യി​ലാ​ണ് പ്ര​തി യു​വ​തി​ക്കു​നേ​രെ അ​തി​ക്ര​മം ന​ട​ത്തി​യ​തെ​ന്ന് പൊ​ലീ​സ്​ പ​റ​ഞ്ഞു. 

ക​ഞ്ചാ​വ് പ​തി​വാ​യി ഉ​പ​യോ​ഗി​ക്കു​ന്ന​വ​രെ നി​രീ​ക്ഷി​ച്ചും സി.​സി ടി.​വി ദൃ​ശ്യ​ങ്ങ​ള്‍ പ​രി​ശോ​ധി​ച്ചും ന​ട​ത്തി​യ അ​ന്വേ​ഷ​ണ​ത്തി​ലാ​ണ് പ്ര​തി​യെ പി​ടി​കൂ​ടി​യ​ത്. ഇ​യാ​ള്‍ക്കെ​തി​രെ ക​രി​മ​ണ്ണൂ​ര്‍ പൊ​ലീ​സ്​ സ്​​റ്റേ​ഷ​നി​ല്‍ അ​ടി​പി​ടി കേ​സും ക​ഞ്ചാ​വ് കേ​സു​മു​ണ്ട്. ഇ​ടു​ക്കി കോ​ട​തി​യി​ല്‍ ഹാ​ജ​രാ​ക്കി​യ പ്ര​തി​യെ റി​മാ​ന്‍ഡ് ചെ​യ്തു.