സിപിഎം ബ്രഞ്ച് സെക്രട്ടറി സനൂപിന്റെ കൊലപാതകത്തിന് കാരണം സിപിഎമ്മിനകത്തെ ഗുണ്ടാസംഘങ്ങളുടെ കുടിപ്പക ; കെ സുരേന്ദ്രന്
തൃശ്ശൂര്: കുന്ദംകുളത്ത് പുതുശ്ശേരിയില് സിപിഎം ബ്രാഞ്ച് സെക്രട്ടറിയുടെ കൊലപാതകത്തിന് കാരണം സിപിഎമ്മിനകത്തെ ഗുണ്ടാസംഘങ്ങളുടെ കുടിപ്പകയെന്ന് ബിജെപി സംസ്ഥാന പ്രസിഡന്റ് കെ സുരേന്ദ്രന്. കൊലയാളികളിലൊരാള് അറിയപ്പെടുന്ന സിപിഎം പ്രവര്ത്തകനാണ്. അര്ദ്ധരാത്രിയില് സ്വന്തം വീടിന് ഏഴുകിലോമീറ്റര് അകലെയാണ് കൊല നടന്നത്. വസ്തുത മറച്ചുവെക്കാനാണ് സിപിഎം സെക്രട്ടറി കോടിയേരിയും മന്ത്രി മൊയ്തീനും കുറ്റം സംഘപരിവാറിന്റെ തലയില് കെട്ടിവെക്കുന്നതെന്നും സുരേന്ദ്രന് ആരോപിച്ചു.
ചിറ്റിലങ്ങാട് വച്ചു ഇന്നലെ രാത്രി 11.30 ഓടെയായിരുന്നു സനൂപിനെ ഒരു സംഘം കൊലപ്പെടുത്തിയത്. സുഹൃത്തുക്കളായ അഞ്ഞൂര് സി ഐ ടി യു തൊഴിലാളി ജിതിന്. പുതുശ്ശേരി സ്വദേശിയായ സി പി എം പ്രവര്ത്തകന് വിപിന് എന്നിവര്ക്ക് പരിക്കേറ്റിട്ടുണ്ട്. മിഥുന് എന്ന സുഹൃത്തിനെ വീട്ടിലേക്ക് കൊണ്ട് ചെന്നാക്കുന്നതിനായാണ് ഇവര് സംഭവ സ്ഥലത്തേക്ക് പോയത്. ഇവിടെയുണ്ടായിരുന്ന ഒരു സംഘം ഇവരുമായി വാക്കേറ്റുമുണ്ടാവുകയും,ആയുധങ്ങള് ഉപയോഗിച്ച് ആക്രമിക്കുകയുമായിരുന്നു. സനൂപ് സംഭവ സ്ഥലത്ത് വച്ച് തന്നെ മരിക്കുകയായിരുന്നു.
കെ.സുരേന്ദ്രന്റെ ഫേസ്ബുക്ക് പോസ്റ്റിന്റെ പൂര്ണരൂപം:
തൃശ്ശൂര് കുന്ദംകുളത്ത് പുതുശ്ശേരിയില് സി. പി. എം ബ്രാഞ്ച് സെക്രട്ടറി കൊലചെയ്യപ്പെട്ടത് സി. പി. എമ്മിനകത്തെ ഗുണ്ടാസംഘങ്ങളുടെ കുടിപ്പകയെത്തുടര്ന്നാണെന്ന് വ്യക്തം. കൊലയാളികളിലൊരാള് അറിയപ്പെടുന്ന സി. പി. എം. പ്രവര്ത്തകന്. അര്ദ്ധരാത്രിയില് സ്വന്തം വീടിന് ഏഴുകിലോമീറ്റര് അകലെയാണ് കൊല നടന്നത്. വസ്തുത മറച്ചുവെക്കാനാണ് സി. പി. എം സെക്രട്ടറി കോടിയേരിയും മന്ത്രി മൊയ്തീനും കുറ്റം സംഘപരിവാറിന്റെ തലയില് കെട്ടിവെക്കുന്നത്. കുറ്റം ചെയ്തവര്ക്കെതിരെ ശക്തമായ നടപടിക്കാണ് സര്ക്കാര് തയ്യാറാവേണ്ടത്. ഈ വിഷയത്തില് കള്ളപ്രചാരണം അവസാനിപ്പിച്ചില്ലെങ്കില് ശക്തമായ നിയമനടപടി സ്വീകരിക്കും.
തൃശ്ശൂർ കുന്ദംകുളത്ത് പുതുശ്ശേരിയിൽ സി. പി. എം ബ്രാഞ്ച് സെക്രട്ടറി കൊലചെയ്യപ്പെട്ടത് സി. പി. എമ്മിനകത്തെ...
Posted by K Surendran on Monday, 5 October 2020
