സംവിധാനം ചെയ്യാൻ ആഗ്രഹം, അതിനുള്ള ശ്രമം അന്നേ തുടങ്ങിയിരുന്നുവെന്ന് ഹണി റോസ്
തനിക്ക് സംവിധായിക ആകണമെന്ന് ആഗ്രഹമുണ്ടെന്ന് നടി ഹണി റോസ്. സിനിമയിലെത്തിയ കാലം മുതൽ ഇതിനായി സംവിധായകരെ നിരീക്ഷിക്കാറുണ്ടായിരുന്നെന്നും കൗമുദിയുമായുള്ള അഭിമുഖത്തിൽ നടി പറഞ്ഞു.
ഹണിയുടെ വാക്കുകൾ
എനിക്ക് ഒരു സംവിധായികയാകണമെന്ന് മോഹമുണ്ട്. സംവിധാനമെന്നത് വലിയ ഉത്തരവാദിത്വമാണ്.
ഒരുപാട് പേരെ ഒരുമിച്ച് കൺട്രോൾ ചെയ്യേണ്ട വലിയ ഒരു ജോലി. അഭിനയിച്ച് തുടങ്ങിയ കാലം മുതലേ ഞാൻ സംവിധായകരെ നിരീക്ഷിക്കാറുണ്ട്.
സിനിമ മാറിക്കൊണ്ടിരിക്കുകയാണെന്നും നല്ല കഥാപാത്രങ്ങൾ വരുമെന്ന ആത്മവിശ്വാസമുള്ളത് കൊണ്ടും അവ ചെയ്യാനുള്ള ഫയർ ഉള്ളതു കൊണ്ടുമാണ് ഇത്രയും കാലം നിലനിൽക്കാൻ കഴിഞ്ഞതെന്നും അവർ കൂട്ടിച്ചേർത്തു.
