ഫാഷന് ഗോള്ഡ് തട്ടിപ്പ്; എം.സി കമറുദ്ദീന് എംഎല്എയുടെ ഹര്ജി ഹൈക്കോടതി ഇന്ന് വീണ്ടും പരിഗണിക്കും
ഫാഷന് ഗോള്ഡ് തട്ടിപ്പ് കേസില് തനിക്കെതിരെയുള്ള എഫ്ഐആര് റദ്ദാക്കണമെന്നാവശ്യപ്പെട്ട് കൊണ്ടുള്ള എം.സി കമറുദ്ദീന് എംഎല്എയുടെ ഹര്ജി ഹൈക്കോടതി ഇന്ന് വീണ്ടും പരിഗണിക്കും. ജ്വല്ലറി തട്ടിപ്പ് കേസില് എം.സി കമറുദ്ദീന് മുഖ്യ സൂത്രധാരനെന്നും എംഎല്എ തന്റെ രാഷ്ട്രീയ സ്വാധീനം തട്ടിപ്പിന് ഉപയോഗിച്ചു എന്നും സര്ക്കാര് കോടതിയെ അറിയിച്ചിരുന്നു.
കൂടാതെ നിക്ഷേപമായി സ്വീകരിച്ച പണമുപയോഗിച്ച് സ്വന്തം പേരില് ഭൂമി വാങ്ങിക്കുകയും ചെയ്തിരുന്നുവെന്നും, വഞ്ചനാക്കുറ്റം നിലനില്ക്കുമെന്നും സര്ക്കാര് കോടതിയില് ബോധിപ്പിച്ചിട്ടുണ്ട്. എന്നാല് കേസ് രാഷ്ട്രീയ പ്രേരിതമെന്നാണ് കമറുദീന്റെ വാദം. ഫാഷന് ഗോള്ഡ് ജ്വല്ലറി ഇന്റര്നാഷണല് എന്ന സ്ഥാപനത്തിന്റെ പേരില് നിക്ഷേപമായി ലഭിച്ച കോടിക്കണക്കിനു രൂപ എംഎല്എയും കൂട്ടരും തട്ടിയെടുത്തെന്നാണ് കേസ്. നിലവില് 128 ഓളം കേസുകളാണ് എം.സി കമറുദ്ദീനെതിരെ രജിസ്റ്റര് ചെയ്തിട്ടുള്ളത്.
