സാമ്പത്തികരംഗം ശക്തമായ തിരിച്ചുവരവിന്റെ പാതയിൽ; സാമ്പത്തിക പാക്കേജുകൾ ഗുണകരമായെന്ന് നിർമല സീതാരാമൻ
ഇന്ത്യൻ സമ്പദ്വ്യവസ്ഥ ശക്തമായി തിരിച്ച് വരികയാണെന്ന് കേന്ദ്ര ധനമന്ത്രി നിർമല സീതാരാമൻ. സർക്കാർ പ്രഖ്യാപിച്ച സാമ്പത്തിക പാക്കേജുകൾ സാമ്പത്തികവളർച്ചയ്ക്കു ഗുണകരമായെന്ന് ധനമന്ത്രി വാർത്താസമ്മേളനത്തിൽ പറയുന്നു.
ജി.എസ്.ടി പിരവ് ഉയരുന്നതും ഊർജ ഉപയോഗം വർധിച്ചതും ഓഹരി വിപണികളുടെ മികച്ച പ്രവർത്തനവുമെല്ലാം സമ്പദ്വ്യവസ്ഥ തിരിച്ചു വരുന്നതിന്റെ സൂചകങ്ങളാണെന്ന് നിർമല സീതാരാമൻ പറഞ്ഞു.
സമ്പദ്വ്യവസ്ഥ വളർച്ച തിരിച്ചുപിടിച്ചുവെന്ന് നിരവധി സാമ്പത്തികശാസ്ത്രജ്ഞർ അറിയിച്ചിട്ടുണ്ടെന്നും നിർമല സീതാരാമൻ വ്യക്തമാക്കി. തൊഴിലുകൾ വർധിപ്പിക്കാനുള്ള പദ്ധതികളും മുന്നോട്ട് പോവുന്നുണ്ടെന്നും നിർമല സീതാരാമൻ കൂട്ടിച്ചേർത്തു.
കോവിഡ് പശ്ചാത്തലത്തിൽ തകർന്ന രാജ്യത്തിന്റെ സാമ്പത്തിക സ്ഥിതിയെ ഉണർത്തുന്നതിനായുള്ള നാലാംഘട്ട ഉത്തേജക പാക്കേജ് പ്രഖ്യാപിക്കുമെന്നാണ് റിപ്പോർട്ട്.
അതേ സമയം ഇന്ത്യൻ സമ്പദ്വ്യവസ്ഥ ചരിത്രത്തിലെ സമാനതകളില്ലാത്ത സാമ്പത്തിക മാന്ദ്യത്തിലെന്നാണ് റിസർവ് ബാങ്കിന്റെ വിലയിരുത്തൽ. ആർബിഐ ഡെപ്യൂട്ടി ഗവർണ്ണർ ഉൾപ്പെട്ട വിദഗ്ധർ തയ്യാറാക്കിയ റിപ്പോർട്ടിലാണ് വിലയിരുത്തൽ
സെപ്റ്റംബറിൽ അവസാനിച്ച പാദത്തിൽ ജി.ഡി.പി 8.6ശതമാനം ഇടിഞ്ഞു. തൊഴിൽ നഷ്ടം സാമ്പത്തിക രംഗത്തെ ബാധിച്ചെന്നും റിപ്പോർട്ടിൽ പറയുന്നു.
